Nga Gjirokastra, kreu demokrat Basha shpalli se PD posedon moralin por dhe aftësitë, por t’ju përgjigjur sfidave shqiptare.
“Ata presin nga ne çfarë do të bëjmë, si do të bëjmë, na pyesin çfarë do të bëjmë që njerëzit të mos largohen nga shtëpitë e tyre, të mos largohen në kurbet, por të qëndrojnë këtu dhe të kenë besim se do të ndërtojnë jetën e tyre.
Natyrisht, askush tjetër nuk mund t’ju japë përgjigje përveç Partisë Demokratike. Nuk ka forcë tjetër që posedon burimet njerëzore, përvojën, kompetencën, ekspertizën dhe mbi të gjitha fibrën politike dhe morale”, deklaroi Basha.
E më tej, në Përmet, duke sulmuar 30 Qershorin, Basha kërcëoi me burg n/kryetarin e KQZ-së Denar Biba,
“Farsa e 30 Qershorit është një grusht kriminal institucional i Edi Ramës për të pushtuar pushtetin vendor, për të shkatërruar KQZ-në dhe gjithë sistemin e administrimit të zgjedhjeve, përfshi Kolegjin Zgjedhor.
Të gjithë ata që u bënë pjesë e këtij grushti kriminal institucional, me në krye ikonat e hajdutërisë dhe paligjshmërisë si Denarbibat që i shërbyen Edi Ramës për të dhunuar Kushtetutën dhe ligjin me 30 qershor, do të përgjigjen para drejtësisë për veprimet e tyre kriminale. Burgu i pret dhe nuk ka bandit e Bablok t’i shpëtojë”, deklaroi ashpërsisht Basha. /tesheshi.com/
