Në reagimin e tij të parë pas lajmit se Saimir Tahiri do largohet nga detyra e kreut të Rendit, nga brenda çadrës së opozitës, kreu i saj Lulzim Basha, ka thënë se nuk kërkohen “koka turku”.
Të njëjtën gjë ai e ka deklaruar dhe ditë më parë, kur u hap fjala se një largim i Tahirit, si njeriu simbol i akuzave të opozitës, mund të hapte mundësinë e ndëprerjes së protestës, ku Basha tha se donte vetëm largimin e Ramës
“Heqja e Tahirit është vetëm një truk për t’u hedhur hi syve shqiptarëve, ndërkombëtarëve dhe protestuesve”, tha Basha mbrëmjen e së shtunës.
“Qëndresa jonë do të vazhdojë deri në krijimin e një qeverie teknike”, shtoi ai më pas, si për të dhënë të kuptuar se nuk janë të kënaqur vetëm me ikjen e Tahirit, të cilin e akuzojnë për lidhje me krimin dhe drogën. /tesheshi.com/
