I ftuar në Opinion, kreu demokrat Basha ofroi një formulë se si si mund të largohet Rama nga pushteti.
I ndërgjegjshëm për vështirësinë e rrëzimit me votë në kushte normale, Basha iu referuar “popullit” si kartë, pasi tha se parimet e tij nuk e lejonin të merrte pushtet me dhunë.
“Nuk shkel mbi kufoma për të ardhur në pushtet”, tha Basha, duke vijuar të ofrojë variantin e një reagimi popullor.
“Tani si mund ta rrëzojë? Mbetet një rrugë. Për mendimin tim s’ka nevojë për dhunë. Në mendimin tim, 10 mijë, 20 mijë qytetarë të çohen në protestë të përsëritur, e kjo qeveri e larguar moralisht dhe politikisht, largohet edhe faktikisht. Por ka shumë rëndësi të ikë me votë në një dimension të plotë popullor. Siç e kemi treguar, nuk e kemi vështirësi të mobilizojmë masa të mëdha njerëzish. Ju thoni ishin militantë. Por rëndësi ka që të krijohet konsensusi qytetar që largimi i tij është një çështje e dorës së parë për demokracinë, sigurinë dhe qeverisjen e vendit”, theksoi Basha. /tesheshi.com/
