Lideri i opozitës, Lulzim Basha, ka deklaruar se nuk mjafton largimi i një ministri por duhet të japë dorëheqjen e gjithë qeveria.
Duke u prononcuar për ikjen e ministrit të Transporteve, Basha theksoi para mediave se “largimi i Haxhinastos nuk sjell asgjë pasi përkeqësimi i jetës së shqiptarëve nuk ka shans të ndryshojë.
Ndryshimi i vërtetë do të ishte largimi i Ramës, njeriu që dështoi të përmbushë një premtim të vetëm. Rilindja e tij ishte vetëm një skemë për të vjedhur, një projekt për t’i detyruar shqiptarët të zgjedhin emigracionin.
Varka e shpuar e qeverisë nuk është më në gjendje të përballojë detyrat bazë. Ndryshimi i vërtetë do të nisë me largimin e Edi Ramës”, tha Basha.
/tesheshi.com/
