Partia Demokratike nuk do të votojë ligjin e vettingut për gjyqtarët dhe prokurorët, edhe as negocimit të ambasadorit të SHBA-së në Tiranë, Donald Lu.
Gati 5 orë para nisjes së seancës së jashtëzakonshme të Kuvendit, Basha ka mbledhur sot grupin parlamentar duke diskutuar mbi Vetting-un.
Kreu i PD-së deklaroi se PS nuk mori parasysh vërejtjet e së djathtës në hartimin e draftit kushtetues.
Basha shtoi se PD do ndjekë të gjitha rrugët legjislative dhe kushtetuese.
“Ekspertët e PD-së, kanë bërë punë profesionale dhe voluminoze gjatë gjithë verës. PS nuk ka asnjë argument kundër vërejtjeve dhe amendamenteve. Vërejtjet dhe propozimet e ekspertëve të opozitës nuk u morën parasysh. Theksoj se projektligji aktual është antikushtetues. Projektligji është në shkelje flagrante të Kushtetutes së 22 korrikut”, tha Basha.
Sipas kreut të opozitës, projektligji i PS-së parashikon që drejtorët e Ramës të kontrollojnë gjyqësorin dhe komisionerët e Vetting-ut.
“Alket Hyseni i Garancive Statutore të PS kontrollon gjyqësorin dhe prokurorinë. Arben Seferi, drejtor i Kryeministrit kontrollon gjyqësorin dhe komisionerët. Rama kërkon kontroll tërësor politik të procesit të vlerësimit”, tha Basha. /tesheshi.com/
