Kreu demokrat Basha vendos të aplikojë komunikimin nga sedilja e pasme e automjetit të tij, një gjetje e shumë kohëve më parë e kreut të mazhorancës. Ai iu drejtua opinion duke thënë se ishte rrugës për në Sarandë dhe nesër do të niste një tur pikërisht nga Saranda.
“Do të vazhdojë nga Jugu në Veri, nga Sarandë në Tropojë. Është diçka që mezi po e pres, do të jetë një ditë shumë e gjatë por do të jetë shumë e bukur”, tha Basha.
Sipas tij, ndryshimi është afër.
“Do të sjellim ndryshimin që Shqipëria ka shumë nevojë. Shpresa është afër dhe është tashmë çështje ditësh. Është në dorën tuaj, kushdo jeni, i moshuar, burrë, grua, fëmijë. Votoni numrin 9 për të ardhmen, për Shqipërinë që fiton”, u shpreh Basha. /tesheshi.com/
