Si për ta shfokusuar përqëndrimin mediatik te aspektet e dhunës në protestën e një dite më parë, kreu demokrat Basha ka ofruar një tjetër pamje të asaj çfarë ndodhi dje në pjesën e parë, atë para kryeministrisë.
Ai ka publikuar një foto të pjesëmarrjes marrë në një kënd të shtrirë, e, nën pretendimin se edhe kjo proteste ishte “e madhe”, shkruan në Twitter: “Ky është fundi i qeverisë-bandë të kapur duke vjedhur zgjedhjet me kriminelët, kërcënimi nr.1 për demokracinë, sigurinë, mirëqenien. Nuk ka kompromis me ëndrrën tonë ‘E duam Shqipërinë si gjithë Europa’, me standardet europiane për zgjedhje të lira, drejtësi dhe ekonomi të lirë!”. /tesheshi.com/
