Kreu i PD-së Lulzim Basha ka mbledhur sot për herë të parë grupin e ri parlamentar të dalë nga zgjedhjet e 25 qershorit.
Ai ka thënë se PD do të bëjë opozitë të fortë ndaj Ramës dhe ka bërë ftesë dhe për LSI-në t’i bashkohet kësaj opozite.
Po ashtu Basha deklaroi tërheqjen e ministrave të tij teknikë nga qeveria socialiste sapo të kenë përfunduar raportin e punës së tyre. Ministrat u emëruan pas marrëveshjes së 18 majit mes tij dhe kryeministrit Rama.
“Me opozitën e vërtetë siç ka qenë dhe është PD në të cilën mirëpresim këdo që është gati të bëjë opozitë por jo pazar-opozitë. Këdo që është gati të bëjë opozitë dhe jo pazar opozitë. Opozita është e plotë dhe jo me kohë të pjesshme, është e pandarë ndaj pushtetit, nuk është diku opozitë dhe diku pazar. Ftesa është për këdo që është gati të bëjë opozitën që ka kaq shumë nevojë ky vend. Opozitën dhe alternativën PD i ka sot misionin kryesor.
Basha tha se nuk do të ketë asnjë kompromis me kryeministrin Rama dhe qeverinë re tij.
“PD bëhet gati për një opozitë të fortë pa kompromis dhe ballore me Edi Ramën dhe qeverinë e tij, me të cilën nuk na bashkon asgjë, as vizioni dhe as vlerat tona. Ne na bashkojnë këto vlera dhe ky vizion me shumicën dërmuese të shqiptarëve në emër të të cilëve do të bëjmë një opozitë të fortë që nis nga kontakti i drëejtëpërdrejtë me njerëzit që është dhe porosia ime kryesore për deputetët, kontakt i vazhdueshëm me ta. Vazhdon me denoncimin, është një detyrë akoma më e rëndësishme në kushtet kur pavarësisht prej punës suaj si gazetarë kapja e mediave e bën denoncimin e problemeve gjithmonë e më të vështirë.”
/tesheshi.com/
