Në kulmin e krizës së koronavorusit, kreu demokrat Basha ofron si lajm një zhvillim në lidhje me Teatrin Kombëtar, duke thënë se “Teatri ynë Kombëtar është futur nga organizata prestigjioze Europa Nostra
dhe Instituti i Bankës së Investimeve Europiane ne Listën e shtatë monumenteve më të rrezikuara në Europë që duhen mbrojtur”.
“Teatri Kombëtar, shembull i arkitekturës moderne italiane të viteve 30-të, është një nga qendrat më të rëndësishme kulturore në vend, dhe po përballet me rrezikun e shembjes”, shkruan Basha.
“Urime nga zemra dhe mirënjohje të pakufishme për Aleanca për Mbrojtjen e Teatrit – zyrtare dhe mijëra qytetarë që me qëndresën e tyre u përballën pa u sprapsur, me aferën e shembjes së Teatrit Kombëtar për të ndërtuar aty kullat e pastrimit të parave të drogës dhe korrupsionit.
Ruajtja dhe restaurimi i Teatrit Kombëtar është dhuratë e paçmueshme për brezat. Trashëgimia jonë kulturore është e pazëvendësueshme, dhe ne kemi detyrimin ta mbrojmë atë.
Faleminderit Europa Nostra, faleminderit Aleanca për Mbrojtjen e Teatrit dhe qytetarëve-engjëj mbrojtës të Teatrit Kombëtare. Falemnderit Mariya Gabriel”, shprehet kreu demokrat.
Siç dihet, opozita ka përqafuar kauzën e mbrojtjes së godinës së vjetër të Teatrit Kombëtar, përfaqësuar nga një grupim artistësh, ndërkohë që të tjerë si këta të fundi përkrahin nismën e qeverisë dhe bashkisë për një teatër të ri në vend të të vjetërit. /tesheshi.com/
