Basha është kthyer me të njëjtin nerv politik nga Malta dhe i rifutur në çadër pas katër ditëve mungesë, ka thënë ngjashëm atë që tha sapo u kthye nga Uashingtoni, se ka marrë mbështetje të plotë për kauzën e tyre.
“Ju sjell përshëndetjet dhe solidaritetin e PPE dhe partive tona simotra nga Kongresi i mbajtur në Maltë. Ju sjell mbështetjen e liderëve të partive tona simotra në qeveri dhe në opozitë anembanë BE dhe drejtuesve më të lartë të drejtuesve të institucioneve të BE. Beteja e nisur me 18 shkurt do të vazhdojë deri në fitoren e plotë, deri në garantimin e zgjedhjeve të lira dhe të ndershme përmes një qeverie teknike që do bëjë detyrat e ngarkuara nga populli”.
Më pas, Basha sulmoi ato media që sipas tij nuk kanë raportuar drejt mesazhet e Maltës, duke përdorur madje dhe një fjalë paksa të pahijshme: Prapanicë!
Sot i sapo kthyer nga Malta dhe pasi kam dëgjuar broçkullat e mediave qeveritare që interpretojnë siç ju do prapanica fjalët e aleatëve tanë dhe jo e tyrja por e tij, se nuk ua mban t’i thonë jo se i ka kapur për fyti, sot dua t’ju them: Nuk ka asnjë shans, zero shans që në të pranojmë një qeveri teknike kukull sepse në këtë betejë nuk jemi për karriget tona, fatin e partisë, por fatin e gjithë shqiptarëve të ndershëm. Nuk kërkojmë dhe as pranojmë një qeveri teknike fasadë çastin e fundit për tu hedhur hi sy shqiptarëve. Qeveria teknike është mjeti, kushti, beteja nga e cila nuk kthehemi pa fitore, janë zgjedhjet e lira dhe të ndershme. Zgjedhje të lira dhe të ndershme do të thotë në rradhë të parë zbatim deri në një i ligjit të dekriminalizimit”, theksoi Basha. /tesheshi.com/
