Nga Kombinati dje, kreu demokrat Basha ka vijuar takimet sot në Lezhë, për të mobilizuar elektoratin në parapërgatitje për protestat e paralajmëruara të janarit.
Basha ka denoncuar kthimin e pasaportës së Saimir Tahirit ndaj vetë atij si person pasi iu bllokua, duke e lidhur këtë me kryeprokuroren e re Arta Marku.
“Efektin e parë të emërimit të Ramës kryeprokuror e patë me kthimin e pasaportës tek Saimir Tahiri. Ky është fillimi i një akti antikushtetues, i cili përqendron pushtetin e drejtësisë në duart e personit që duhet të përgjigjet para drejtësisë dhe i jep një goditje, ndoshta vdekjeprurëse, reformës në drejtësi”, tha Basha.
E megjithatë, për Bashën, Rama ka mbarruar së frymuari si kryeministër.
“Prandaj ju them sot, se qeveria e Edi Ramës është e vdekur politikisht dhe ai vetë është një kufomë politike i diskredituar para shqiptarëve, i diskredituar para faktorit ndërkombëtar”, theksoi Basha. /tesheshi.com/
