Kreu demokrat Basha, nga Lezha sulmoi ashpër kreun e qeverisë Rama, deri me thënien e rrugës se atij “i ka ik truni”. E kjo sipas Bashës, nga protestat e opozitës.
“Rama po tenton t’i mbushë mendjen shqiptareve se Shqipëria nuk ka asnjë problem, e kuptoni se deri ku shkon çoroditja e njeriut. I ka ik truni, nganjëherë është më mirë të flasim direkt, i ka ik truni komplet, sepse, nuk po i funksionon më instrumenti kryesor me të cilin ka marrë pushtetin, shkurajimi i njerëzve, qe t’i frikësojë, dëshpërojë, t’u heqë shpresën, t’u thotë se gjithçka është njësoj dhe nuk ka më mirë se ky sharlatan. Por, basti i tij për shkurajimin e shqiptarëve humbi më 16 shkurt në ditën e kryengritjes së shqiptarëve për t’i dhënë fund paligjshmërisë, instalimit të republikës së krimit”, tha Basha.
Duke huazuar praktikën e Ramës me “anëtarësime të reja në parti”, aplikuar kohë pas kohe nga kreu i mazhorancës, Basha kumtoi” “Shtohen 150 anëtarë të rinj. Shtimi me gjakun e të rinjve. Një tjetër dëshmi e bashkimit të shqiptarëve me PD. Po rikthejmë shpresën te shqiptarët”. /tesheshi.com/
