Kreu i opozitës, Lulzim Basha, ka nisur turin përkujtimit të përvjetorëve të themelimit të degëve të PD-së duke u ndalur fillimisht në Korçë. Atje, Basha ka revokuar ato që i ka cilësuar ai gjurmë të Partisë Demokratike në drejtimin e vendit gjatë viteve që ka qeverisur në këto 25 vite si vendosjen e ekonomisë së tregut, anëtarësimin e Shqipërisë në KE, anëtarësimin në NATO, si dhe liberalizimin e vizave.
Por nga ana tjetër, ai ka akuzuar rëndë qeverinë Rama që sipas tij po e zhyt vendin çdo ditë e më shumë në një krizë të thellë.
“400 milionë lekë kanë vjedhur në dogana e tatime, 700 milionë të tjera nga tenderat, që përfundojnë në xhepat e Ramës dhe hajdutëve të tjerë. Në Shqipëri nuk ka shkolla, rrugë, spitale të reja, nuk ka rritje pagash dhe pensionesh, nuk ka rritje të ndihmës ekonomike, nuk ka subvencione, sepse paratë përfundojnë në xhepat e qeveritarëve”, është shprehur Basha. /tesheshi.com/
