Në një intervistë për Zërin e Amerikës, i pyetur për ngjarjet e 21 janarit 2011 me katër protestues të vrarë nga Garda teksa ai ishte ministër i Brendshëm, Lulzim Basha dha një përgjigje tipike të drunjtë prej tij, me një gënjeshtër brenda.
“Unë kam kërkuar prej fillimit një hetim të plotë dhe transparent”, tha ai në fillim të përgjigjes së tij. Por e vërteta është se Basha nuk ka dhënë asnjë deklaratë pas asaj ngjarjeje të rëndë dhe nuk ka mbajtur asnjë qëndrim. Të gjitha janë konsumuar nga Berisha, ndërsa ai thjesht ka heshtur, atëherë e vitet në vijim.
Ndërsa pyetjes së “ju e përjashtoni çdo mundësi që një urdhër apo udhëzim të ketë dalë nga ju atë ditë?”, ai iu përgjigj shkurt: “Pa diskutim”.
Kjo në fakt mund të jetë e vërtetë, gjykuar pikërisht nga fakti se ngjarjen e rëndë e morri përsipër Berisha, ndërsa ai thjesht heshti. /tesheshi.com/
