Kryetari i PD-së Basha ishte në Vlorë, ku u takua dhe bisedoi në një lokal me aktorin e njohur vlonjat Bujar Asqeriu. Ky i fundi befasoi, pasi tha se ka dy plagë, që të dyja referuar naftëtarëve dhe minatorëve.
“Kam dy plagë: plagën e parë e kam për naftëtarët të cilët i kanë dhënë miliona euro këtij vendi dhe sot nuk jetojnë as në shtëpi të mira dhe as shëndet të mirë.
Plagën e dytë e kam për minatorët e Bulqizës që janë të mjeruar”, tha Asqeriu, i njihur për shpërthimet e tij publike me emotivitet të lartë.
Ndërsa Basha tha se atij i dhimbseshin artistët si ai.
“Do të kemi një buxhet të veçantë për kulturën dhe artistët. Duhet që artistët të kenë dinjitetin e duhur.
Plani ynë është plan pune dhe jo premtime boshe”, theksoi i pari i opozitës. /tesheshi.com/
