Muaj “zhdukjeje” nga artikulimi politik e mediatik, i ashtëquajturi nga media greke “Eskobari i Ballkanit”, Klemend Balili, është rishfaqur sërish duke u përmendur nga kreu demokrat Basha, gjithsesi pa emër por vetëm si “Eskobar”.
“Premtoi rend dhe siguri, por futi Eskobarin në qeveri”, tha Basha, duke folur në një tubim në Sarandë, atje nga është Balili dhe ku njihet më së shumti. “E futi apo jo?”, iu drejtua Basha turmës së mbështetësve sipas një risie komunikative, duke marrë një “po” në korr, siç ndodh zakonisht në të tilla raste.
Prej muajsh Balili rezulton harruar. Premtimi i dhënë nga ish-ministri Tahiri për “kapjen e tij shumë shpejt”, ka rezultuar deri më tani një fjasko.
Po ashtu, në tubimin e Sarandës Basha ka përmendur me ironi dhe benevrekët e Ramës duke thënë se vetë ai i ka, porse popullin e ka lënë pa të. /tesheshi.com/
