Gjatë një tubimi në Peqin, kreu i opozitës Basha e ka etiketuar si “zullum” qeverisjen e Ramës, për të cilin tha se nuk do të ketë koalicion.
“Jo koalicion me Edi Ramën, se i ka mbetur në mendje. E keni parë që thotë: Është çun i mirë Luli, është çun i mirë Luli, mbaj fotografinë e Lulit, po pse kë do mbajnë tënden? 300 mijë vende pune i bëre 300 mijë refugjatë. Shëndetësinë falas e fute në gropë. Tani, nga mëngjesi deri në darkë Luli, Luli, Luli, thua se është shoku im. Ne do ta mundim, nuk e lë më asnjë ditë në Republikën e vjetër”, u shpreh Basha.
Sipas Bashës, Republika e vjetër ka marrë fund, e ndaj vota qytetare duhet t’i hapë udhë ardhjes së asaj të resë:
“Ju shoh të bashkuar, ju shoh të vendosur për atë që do të ndodhë më 25 qershor. Ndahemi nga krimi dhe kriminelët në politikë në radhë të parë. Do të marrin fund kriminelët në politikë, s’ka për të pasur më kriminelë në politikë. Ata që i rren mendja ta dinë mirë se i kanë orët e numëruara. Vendimi është marrë. Kemi ekipin, kemi planin, kemi vendosmërinë dhe do ta çojmë deri në fund. Mos lini derë pa trokitur, pa u çuar lajmin njerëzve. Republika e vjetër ka marrë fund, është marrë vendimi”, theksoi kreu demokrat. /tesheshi.com/
