Kreu demokrat Basha ishte në Manëz, atje krahas montimit të disa kontenierëve komodë për të pastrehët e tërmetit, janë dhe me dhjetra çadra aspak komode.
Që aty, njeriu që vetë dikur u fut në një çadër politike duke ndenjur me muaj aty, i bëri thirrje qeverisë që ndërhyjë menjëherë oër risistemin të tyre.
“Përveç braktisjes, këta banorë po përballen çdo ditë edhe me trajtim të diferencuar. Është kriminale të bësh dallime të tilla mes njerëzve të goditur njësoj e pa dallim nga tragjedia. Duhet urgjentisht që banorët që janë në kampin e llucës të strehohen në konteinerë ose në shtëpi me qira”, tha Basha.
“Me dhjetra familje, fëmijë të mitur, të sëmurë e të moshuar jetojnë në kushte mizerabël në një kamp çadrash të mbytura në baltë në Manzë. Banesat e tyre u dëmtuan rëndë nga tërmeti duke i lënë në qiell të hapur. Shumë prej tyre u zhvendosën në çadra që nuk pengojnë dot shiun dhe të ftohtin”, theksoi kreu demokrat. /tesheshi.com/
