Ndalesa e radhës e kreut demokrat Basha ishte në Rrëshen, ku deklaroi se tashmë nbetet vetëm materializimi me votë i asaj që ndodhi më 30 qershor, sipas tij, refuzimi masiv i Ramës.
“Rruga jonë për ta kthyer refuzimin masiv të 30 qershorit nga një shumicë ‘Rama ik’ në një shumicë qeverisëse, kalon përmes kutisë së votimit. Për këtë askush nuk ka asnjë iluzion. Qëllimi i protestave ka qenë, është dhe mbetet të diktojë kushtet minimale për zgjedhje të lira e të ndershme”, tha Basha.
Ai tha se vetëm me PD-në në pushtet sfidat shqiptare do marrin zgjidhje.
“Ardhja e Partisë Demokratike në pushtet do të jetë dita e nisjes së një ndryshimi pozitiv për çdo shqiptar, pa dallime parttake, edhe për socialistët, për të gjithë. Ne jemi gati t’u tregojmë shqiptarëve rrugën e shpresës, rrugën e ndryshimit të thellë politik dhe ekonomik të vendit”, theksoi Basha. /tesheshi.com/
