Kreu i PD-së, Lulzim Basha, ka shfrytëzuar mbledhjen e radhës së grupit parlamentar të partisë së tij për të mobilizuar moralisht deputetët për protestën e së nesërmes të opozitës para parlamentit.
Ai e nisi me denoncimin e buxhetit 2016-të, i cili pritet të miratohet nesër në parlament gjatë kohës së protestës, duke vijuar në fjalën e tij më pas me denoncimin e të gjithë atyre çështjeve që sipas opozitës janë skandale të kësaj qeverisjeje.
“Do të bëjmë çmos të ndalojmë projektbuxhetin e varfërisë dhe recensionit më të thellë. Qytetarët do të bëjnë një protestë paqësore jashtë për largimin e qeverisë së rrezikut kombëtar. Kjo qeveri është virus dhe prej saj vijnë vetëm lajme të këqia”, tha Basha, duke iu bërë thirrje qytetarëve që të mblidhen para Parlamentit, siç tha ai, për të larguar këtë qeveri e për t’i hapur rrugë një qeverie teknike.
Më pas sipas Bashës, duhet shkuar drejt zgjedhjeve të reja.
/tesheshi.com/
