Gjatë një ndalese me struktrat e PD-së në Mat, kryetari demokrat Lulzim Basha, akuzoi sërish kryeministrin Rama si drogëzues i vendit. Kjo, pasi siç njoftohet nga zyra e shtypit në PD, u njoh me shqetësimin e banorëve për kultivimin e drogës dhe shfrytëzimin e banorëve si skllevër në kampet e saj.
“I hapën dyert krimit, i kandiduan për deputetë, i futën në Parlament, i bënë kryetar bashkish, por nuk u mjaftuan. I bënë drejtorë në administratë, i bënë shefa komisariatesh e drejtorë krimesh si këtu në Burrel. Efekti kulminant i kësaj politike të pastër të inkriminimit të shtetit është mbulimi i gjithë sipërfaqes së vendit nga droga”, tha Basha.
Për kreun e opozitës, Rama synon mbajtjen e pushtetit me anë të drogës, ndaj dhe përcolli shqetësimin e garantimit të zghedhjeve të lira, një tezë politike kjo e intensifikuar ditët e fundit. /tesheshi.com/
