Kreu i opozitës Basha tha se vetëm ndryshimi i qeverisjes, pra me të në krye, vendi mund ta marrë zgjidhje nën krizën pandemike.
Gjatë një takimi me përfaqësues të biznesit të vogël në Tiranë, Basha tha se ai që në fillim i ka dhënë propozimet e tij se si mund të përballohet kriza.
“Qëndrimi ynë ka qenë i qartë prej fillimi: të gjitha të ardhurat e shtetit në këtë kohë duhet të shkojnë tek familjet në nevojë dhe tek biznesi”, tha ai.
“Unë garantoj që do të keni një qeveri që do të bëjë detyrën e vet. Siç bën ti detyrën tënde si prind, si familjar, si punëdhënës me këta njerëz që i mban këtu, u paguan rrogën, edhe në si qeveri nesër do të bëjmë detyrën tonë.
Do t’ju ndihmojmë ju, do të ndihmojmë çdo familje në nevojë. Dhe na duhet një ndryshim i menjëhershëm, na duhet një qeverisje e re, na duhet një ndryshim i ri sepse kështu nuk ecet”, theksoi i pari i opozitës. /tesheshi.com/
