Kreu i partisë Demokratike, Lulzim Basha u shpreh kundër bojkotit të Kuvendit, në mbledhjen e grupit parlamentar që do të vendosë për këtë çështje.
“Lëvizja drejt bojkotit parlamentar në kushtet kur jemi investuar fort për hapjen e negociatave, rrezikon të devijojë vëmendjen nga çështja kryesore: që kemi një qeveri të lidhur me krimin e organizuar dhe trafikun e drogës. Kemi një ministër të Brendshëm, vëllai i të cilit është një trafikant ndërkombëtar droge, i dënuar në Itali nga drejtësia italiane por që me mbrojtjen dhe ndihmën e vëllait ministër të Brendshëm vazhdon aktivitetin criminal”, tha Basha.
Sipas tij, PD duhet të përdorë të gjitha format dhe mënyrat demokratike si opozitë me grupin parlamentar, strukturat, qytetarët për të bërë të qartë qëndrimin e prerë së largimi i Fatmir Xhafës është kusht i panegociueshëm i opozitës, veprim i domosdoshëm për hapjen e negociatave. “As shqiptarët, as Europa nuk mund të pranojnë që vendi të kalojë nga policia Tahiri- Habilaj te policia Xhafaj dhe prokuroria Rama-Xhafaj”, mësohet të jetë shprehur kreu i PD-së Lulzim Basha. /tesheshi.com/
