Një ditë pas takimit të kryeministrit Rama më bluzat e bardha të “vijës së parë” te Inektivi, ku dhe premtoi rritje pagash së shpejti në shëndetësi, rivali i tij Basha ka reaguar sot duke aluduar se mund të jetë një premtim elektoral.
“Rritja e pagave të tyre është jetike por ajo duhet të jetë reale dhe jo elektorale”, shkruan Basha.
A më tej, po në të njëjtën formë siç Rama, premton rritje pagash për mjekë e infermierë në rrethanat e ardhjes në pushtet.
“Me planin tonë ne do të mundësojmë ndryshimin e madh në shëndetësi me paga dinjitoze të niveleve rajonale për ta: 1200 euro për mjekët dhe 700 euro për infermierët”, shkruan njeriu kryesor i opozitës. /tesheshi.com/
