Gjatë një ndalese në Devoll në kuadër të turit të tij “Rrugëtimi për Shqipërinë”, kreu demokrat Basha bëri një ndërthyrje të çështjeve të bujqësisë me ato të drejtësisë. Duke iu drejtuar fermërëve vendas, sfidave të tyre në prodhim e shitje produkti, Basha tha se nën një qeverisje të tij ata do kishin shumë më përparësi se tani.
“Me planin tonë fermeri duhet të bëjë dy gjëra: e para e punës të certifikohet sasia e prodhimit që ka, dhe e dyta të certifikohet që ka cilësinë minimale për të hyrë në treg, Me certifikimin e tyre, menjëherë fermeri përfiton për çdo kuintal prodhim dhe në funksion të kësaj do të buxhetohet çdo vit nga buxheti ynë. 100 milionë euro vetëm për mbështetje direkte për fermerin. Nuk do të mbështetën prodhime kuturu, por ato që sjellin një vlerë të shtuar. Gjithçka do të bëhet digjitale pa pasur nevojë të shkoni tek zyra, do të eliminohet e gjitha kjo”, tha Basha.
E më pas, ai bëri një kapërcim nga çështja në çështje, duke iu referuar asaj çfarë po ndodh në emërimet për Gjykatën Kushtetuese, duke iu bashkuar presidentit Meta në sulmin kundër kreut të KED-it, Adrian Dvorani. “…Ardian Dvorani, simboli i korrupsionit dhe i kapjes së shtetit, vegla dhe masha e Edi Ramës që nuk do të lërë institucion pa kapur sepse ai e ka jetike t’i kapë institucionet”, tha Basha. /tesheshi.com/
