Një ditë pas një reagimi të fortë europain nga Brukseli kundër çadrës së opozitës, kreu i PD-së Lulzim Basha ka folur me tone të ashpra dhe krejt të pazakonta ndaj diplomatëve të huaj, që sipas tij po marrin pjesë në një komplot antishqiptar . Dhe sipas tij, komploti është pikërisht Vettingu, të cilin Basha e quajti një projekt mafioz në shërbim të Edi Ramës.
“Plani i Ramës si kreu i kupolës së republikës së vjetër, si aturi i komplotit është i thjeshtë, atë që do të bëjë me vettingun në drejtësi do të bëjë edhe me vettingun në politikë.
Me vettingun në drejtësi dëshiron të fusë nën dorë aparatin e Drejtësisë me qëllim që as miqtë e tij as krimi të kenë ferr në këmëb. Projekti i vettingut është projekt mafioz ku janë përfshirë diplomatë të lartë në Tiranë për llogari të Edi Ramës, kanë marrë peng ekspertët e BE dhe së shpejti ora do të vijë kur të japin përgjegjësi demokratike në një institucion demokratik sic është BE.
Komploti është zbuluar, jo herët por saç duhet në kohë. Gjthçka është bërë me një qëllim, jo për Shqipërinë për të pasur gjyqtarë dhe prokurorë të pavarur e të pastër për të cilat Shqipëria ka nevojë, por për t’i dorëzuar drejtësinë Edi Ramën. Ky ka qenë projekti, një projekt i Edi Ramës, ky ka qenë projekti, një projekt jo pro Shqipërisë, por pro Edi Ramës dhe kundër interesave të shqiptarëve. Prandaj përsëris se jam këtu i vendosur të qëndroj si pengesë totale për kapjen e Drejtësisë nga Edi Rama. Kjo nuk ka për të ndodhur kurrë”, tha Basha.
Ky reagim i tij e rëndon dhe më gjuhën e kreut të opozitës ndaj ndërkombëtarëve. Ndërkohë që për herë të parë në afro 2 muaj protestë, kredoja e zgjedhjeve të lira zëvëndësohet me atë për bllokimin e Vettingut. /tesheshi.com/
