Kreu demokrat Basha e ka militarizuar gjuhën politike duke folur për çështjen e godinës së Teatrit Kombëtar.
“Nëse guxoni t’i vini minat Teatrit Kombëtar, të jeni të sigurtë që minat do t’jua vëmë dhe kullave tuaja me ligj”, tha Basha gjatë një bashkëbisedimi me gazetarët.
“Akti i kalimit të ligjit është shpallje lufte ndaj interesit publik, shpallje lufte ndaj kushtetutës, shpallje lufte ndaj kulturës dhe trashëgimisë kulturore”, vijoi më tej Basha.
Ai, ndërtimin e një godine të re, e sheh vetëm si një aferë e aspak si një zgjidhje e detyrueshme.
“Çdo veprim i ‘Fusha shpk.’ dhe cdo entiteti tjetër do të jetë subjekt i ligjit të amenduar ‘antimafia’. Do të nisim që ditën e parë të biznesit dhe në bazë të ligjit antimafia do ju sekuestrojmë çdo cm katror dhe çdo cent qindarkë euro për shkeljet që do të konstatojmë
Ky paralajmërim vlen edhe për një bankë që mendon se mund të investojë në këtë projekt
Paralajmëroj cdo entitet që përfshihet në këtë çështje; i bëj thirrje ‘hap sytë dhe mos fut asnjë qindarkë në këtë projekt sepse do të mbetet me gisht në gojë’”,theksoi Basha. /tesheshi.com/
