Kreu demokrat Basha e nisi vizitën e tij në Kosovë, duke mikluar opinionin vendas në ndjeshmërinë financiare të pagesës së Rrugës së Kombit. Ai premtoi se kur të vijë në pushtet, do heqë tarifën e rrugës, vënë nga qeveria aktuale e Ramës.
“Një ndër vendimet e para që do të marrë si kryeministër do të jetë heqja e taksës dhe traut në Rrugën e Kombit. Një vendim i padrejtë që rrënon në ekonomi dhe ngadalëson shkëmbimin ekonomik”, tha Basha në një konferencë shtypi me kryeministrin Hoti.
Kujtojmë se ky është një premtim i gjithmonshëm i Bashës në rastet kur realizon takime në Kukës, ç’prej kur u vendos pagesë në Rrugën e Kombit.
Rama nga ana e tij e ka argumentuar vënien e pagesës me nevojën e mirëmbajtjes së rrugës dhe të vijimit të investimeve të lëna përgjysëm nga qeveria e mëparshme, sidomos nga Kukësi në Morinë. ku përfshihet dhe ndërtimi i një ure të re mbi Drin.
Ndërkohë, në një studim nga qeveria “Berisha” mbi nevojën e një pagese në Rrugën e Kombit, kuota që sot është 5 euro do ishte 8 euro. /tesheshi.com/
