Kreu i PD-së, Lulzim Basha, e ka shfrytëzuar më së miri faktin se Ilir Meta mund të jetë kandidati nr. 1 për t’u bërë president. Ndaj, ai ka bërë diversion gjatë fjalimit të pasdites, duke thënë se Rama ka dashur ta fusë në burg.
“Për hir të pazarit politik, që këta kanë bërë tash 4 vite në kurriz të shqiptarëve si pjesë e komplotit ekonomik kundër xhepave dhe mirëqenies së shqiptarëve që vidhen ditë për ditë, si pjesë e komplotit kundër lirive dhe të drejtave të shqiptarëve, ky pazar politik i cili tash 4 vite ka vetëm një qëllim të pasurojë dhe të mbrojë klikën e korruptuar në pushtet, sot Edi Rama bëri atë që u mundua ta shmangte për 4 vjet, u përhoq ta fuste në burg rivalin politik, për të cilin ngriti anë e mbanë Evropës dosje konspiracioni me komplote vrasje, u detyrua ta shpallë President të rilindjes së falimentuar dhe të korruptuar”, tha Basha. /tesheshi.com/
