Në një takim me studentë të Ekonomikut, kreu i opozitës Basha u tha atyre se ai, si kryeministër, do çonte para drejtësisë ato që i konsideron oligarkë.
“Oligarkë janë ata të cilët pushtetin e tyre ekonomik e përdorin për të diktuar vendime politike që nga ligjet, kontrata, leje, licenca dhe gjithçka tjetër.
Ata që në bashkëpunim me një grusht qeveritarësh, pastaj vënë në kontroll të gjithë ekonominë, politikën dhe median e vendit. Rruga për t’u marrë me ta është ligji ynë Anti-Mafia.
Të gjithë ata që plotësojnë këto kushte do t’i nënshtrohen një hetimi të thelluar administrativ dhe do t’i përcillen pastaj për ndjekje strukturave të posaçme anti-korrupsion.
Synimi i ligjit Anti-Mafia është që këta njerëz që janë përfshirë në këto llojë kontratash, mos të gëzojnë të ardhurat e përfituara padrejtësisht dhe këto të ardhura të rekuperohen dhe t’i kthehen qytetarëve”, u shpreh Basha.
Por dhe kësaj here, për një cilësim që e ka futur në ligjërimin akuzator prej gati tre vitesh, Basha nuk përmendi ndonjë emër konkret se për cilët e ka fjalën. /tesheshi.com/
