I përzgjedhur nga Basha për të qenë në Komisionin e Vlerësimit btë Kandidatëve, ish-deputeti dhe ish-ministri në qeverinë Berisha, Genc Ruli tha se PD po hapet.
“Ky proces është një politikë e hapjes, unë jam njeri që kam pasur qëndrime kritike ndaj lidershipit për shkak se i gjykoja ndryshe si duheshin zhvilluar proceset në atë kohë. Kjo është një shenjë e pjekurisë dhe mendje-hapjes së partisë sot”, tha Ruli.
Pak vite më parë ai shpalli largimin nga politika, sigurisht dhe nga PD, por është kthyer sërish.
Eshtë kjo një Déjà Vu e Rulit, pasi të njëjtën gjë bëri dhe me Berishën.
I shpallur “karrigethyer” prej këtij të fundit në ‘97-ën, pas viteve larg PD-së, u rikthye në 2005-ën për të qenë pjesë e qeverisjes pas rikthimit të Berishës në pushtet. /tesheshi.com/
