Basha, me risinë e diversionit: Unë, në një familje socialiste

Kreu i opozitës Basha pretendoi se një familje që vizitoi në Shkozet ishte socialiste, duke futur kështu risinë e diversionit politik në mes të fushatës.

“Edhe po të jesh anëtarë i Partisë Socialiste, një gjë po e them: duke votuar për ndryshimin më 25 prill i ke shërbyer familjes tënde, i ke shërbyer Shqipërisë.

Dhe unë të garantoj që angazhimet që kemi, zotimet që kemi dhe të gjitha ato që ne i kemi shpallur dhe i shohim në sy kur i themi, janë pjesë e një plani, nuk janë bërë një muaj para fushate”, tha Basha aty.

Ai kërkoi dhe një ndjesë se pse PD nuk i kishte përfunduar legalizimet në kohën e saj.

“Problemin e legalizimeve unë e kam kërkuar prej 2013 ndjesën dhe do ta përsëris prap sot. Duhet ta kishim mbyllur ne, nuk e mbyllëm”, tha Basha, duke thënë më tej se legalizimet e PS nuk ishin falas, siç dhe ishin premtuar sipas tij. /tesheshi.com/