Në një takim me përfaqsues nga shoqatat e biznesit, kreu demokrat Rama ofroi një panoramë të nxirrë të gjendjes së biznesit në vend, ku si kryefjalë pati oligarkët.
“Të huajt që tentuan të investojne në Shqipëri u goditën nga sistemi oligarko-banditesk i Rilindjes. Ata janë larguar dhe po vazhdojnë të largohen. Investitorë të rinj të mëdhenj nga Perëndimi as që po duken. Me përfundimin e TAP dhe Kaskadës së Devollit dhjetëra mijëra shqiptarë do të humbin vendet e punës”, u shpreh Basha.
Ai tha se me ardhjen në pushtet do anullojë çdo PPP.
“Asnjë prej kontratave të lidhura me qeverinë e Ramës nuk do të zbatohet. Paralajmërojmë sistemin bankar mos i futet kësaj aventure, pasi do të ketë pasoja të rënda. Cdo kontratë PPP-je e lidhur me këta oligarkë do të shfuqizohet. Ky nuk është kërcënim as premtim por vendim”, theksoi kreu demokrat.
“Partia Demokratike ka një program të qartë të masave emergjente të çlirimit të ekonomisë nga zaptuesit e saj dhe të masave të plota për ndezjen e motorëve të ekonomisë për një rritje ekonomike të lartë, të qendrueshme, përfshirëse e të shanseve të barabarta, që prodhon mirëqenie për shtresat e gjera të shoqërise dhe ndihmon për daljen nga varfëria të shtresave të lëna në harresë e të braktisura”, theksoi Basha. /tesheshi.com/
