Kreu demokrat Basha u paraqit vetë në Prokurori, pak ditë pasi refuzoi të shkonte aty në bazë të një fletëthirrjeje, duke argumentuar se proceduralisht kishte pasaktësi ligjore.
Ndaj tij po hetohet në lidhje me një aferë lobimi në SHBA, ku janë përdorur para ruse në rrugë të dyshimta, një proces që po zhvillohet paralel në SHBA dhe Skoci.
Por për Bashën, pas këtij hetimi e pas thirrjes së tij në organin e akuzës, qëndron Edi Rama.
“U njoha me akuzën që nuk është akuzë sepse nuk ka asnjë fakt, asnjë provë, asnjë dokument të falsifikuar, asnjë rus të vetëm, nuk ka asgjë, është një akuzë e formuluar për t’ju shpërqendruar juve”, u tha Basha gazetarëve sapo doli nga Prokuroria, duke deklaruar në të njëjtën kohë se dosja nuk është dhënë pasi nuk është gati.
“Dosjen do ma vënë sot në dispozicion sepse nuk e kanë gati”, shtoi ai.
Vajtja e Bashës në Prokurori, vjen pas paralajmërimit se do shoqrohej me forcë për t’u paraqitur aty.
“Atë ditë nuk zbatuan ligjin, ndërsa sot kishin për qëllim që të unë të përdoresha si shpërqëndrim (shoqërimin me forcë), por jam i bindur se do të dështojnë”, arsyetoi kreu demokrat. /tesheshi.com/
