Në vijim të fushatës politike “Fjalën e kanë qytetarët!”, kreu i PD-së Lulzim Basha u takua me fermerë të rrethit të Fierit, para të cilëve shpalosi pika nga vizioni i tij qeverisës kur të vijë në pushtet.
“Taksa vetme për fshatin do të jetë taksa mbi tokën. Taksë tjetër nuk do të ketë. Taksë prej 350 lekë për dynym dhe taksë e tokës do të shpenzohet e gjitha për vaditjen dhe kullimin. Hapi i dytë është nafta pa akcizë, dhe hapi i tretë që do të ndërmarrim është ulja e çmimit për të gjitha imputet”, tha Basha.
Sipas tij, taksat e ulëta do të jenë në qendër të politikave të Partisë Demokratike, duke theksuar se 650 milionë eurot e taksave te larta që sot përfundojnë në xhepat e qeveritarëve, do t’u kthehen qytetarëve. /tesheshi.com/
