Shkuarja e turmës së protestuesve demokratë tek bunkeri pranë Ministrisë së Rendit, nuk ka qenë rastësore, por e ideuar në kuadër të protestës. Kjo u vërtetuar nga një fjalim shtesë nga ana e liderit demokrat, Basha, para godinës së PD-së: “Sot nuk kemi kryer vetëm një protestë, nuk kemi shembur simbolet e korrupsionit të qeverisë komuniste që përfaqësonte bunkeri në mes të Tiranës, por edhe i kemi hapur një rrugë tjetër, atë të lirisë, të një qeverisje të re që do të vijë me votën e lirë, të pablerë, të pashitur”, tha Basha.
Bunkeri u tentua të sulmohej dhe muaj më parë, por u mbrojt nga forcat e Rendit. Sipas opozitës, ai është një provokim nga ana e Ramës, një ringjallje e simboleve komuniste, ndërsa qeveria thotë se ai është vërtet një simbol, por me efekt denoncues ndaj regjimit komunist dhe jo vlerësues.
Bunkeri është ideuar për t`i paraprirë si simbol hyrjes në tunelet antiatomike që ndodhen poshtë Ministrisë së Brendshme, të cilat qeveria kërkon t’i shndërrojë në vende peligrinazhi në mes të Tiranës, për vizitorë vendas e të huaj.
Nëj bunker i ngjashëm që ka rezultuar i suksesshëm në thithjen e turistëve, është ai në afërsi të Kryesisë së Kuvendit, i ideuar dhe ndërtuar gjatë qeverisjes së Berishës dhe madje i inaguruar prej tij. /tesheshi.com/
