Kreu demokrat Basha shpalli mbylljen e protestës, si zakonisht me një fjalim te selia e PD-së, duke lënë pas një atmosferë lufte pak metra më tutje, para parlamentit, ku sërish pati incidente deri me përdorim gazi lotsjellës nga policia.
“E pra le ta dijë se asnjë veprim i kundraligjshëm. hedhja e gazit dhe as arrestimet nuk kanë për të patur sukses. Fundi i Edi Ramës është firmosur.
Përgjigja e sotme përmes bashkimit më të madh që shqiptarët kanë bërë për një kauzë, ky leksion do të vazhdojë ditë e natë. Sjelljes prej pushtuesi, Edi Rama do marrë përgjigjen e merituar çdo ditë e çdo natë. Ne do ta vazhdojme këtë betejë. J
emi sot shumica morale, politike e shqiptarëve të bashkuar. Me zgjedhje të lira dhe të ndershme, me zotimin e madh për të ndërtuar vlerat e vërteta të demokracisë, ne do të bëjmë të mundur që çdo sakrificë e këtyre betejave dhe secilit prej jush dhe çdo qytetari shqiptar të kujtohet si themeli i lirisë europiane.
Le t’i marrim me vete gjithçka përjetuam sot për t’i shkuar betejës deri në fund dhe për t’i treguar fëmijëve tanë se natën kur vendosej fati i Shqipërisë, ne nuk e ulëm kokë, protestuam dhe fituam. Në fitoren e betejës dhe kauzës sonë le të bëhem i gati për çlirimin e Shqipërisë.
Sovrani foli sot dhe vendosi se Shqipëria e shumicës së vjedhur, gjobitur, burgosur do jetë nesër Shqipëria e njerëzve me dinjitet me rroga dinjitoze këtu në Shqipërinë tonë dhe jo në emigracion, dhe Shqipëria e vogël e politikanëve të korruptuar do të varroset në arkivat e zeza”, tha Basha. /tesheshi.com/
