Koalicioni opozitar nuk do të resgjistrohet në Komisionin Qendror të Zgjedhjeve, pa arritur më parë pakt politik për qeveri teknike. Basha mblodhi në selinë e PD-së aleatët, së bashku me të cilët konfirmoi qëndrimin për mosregjistrim në KQZ deri në arritjen e një pakti politik për krijimin e qeverisë teknike që do sigurojë zgjedhje të lira.
Koalicioni opozitar ka rënë dakord edhe për mbajtjen e një proteste të madhe kombëtare më 7 maj në Kavajë.
Vendimi për mosregjistrim vjen në kohën që skadon afati ligjor për regjistrimin e partive politike si subjekt zgjedhor për zgjedhjet parlamentare të 18 qershorit. /tesheshi.com/
