Në vijim të sulmeve ndaj LSI-së, kreu demokrat Basha e ka pagëzuar atë si një SHPK (ndërmarrje tregtare e quajtur ndryshe shoqëri me përgjegjësi të kufizuar. sh.r), e cila sipas tij do falimentojë në zgjedhjet e pritshme. “I them Ilir Metës që ta marrë me qetësi dashuri falimentin më 25 qershor…”, tha Basha gjatë një tubimi në Krujë, duke e akuzuar partinë e tij si klienteliste, pazarxhie dhe matrapaze.
Irritimi i Bashës lidhet me faktin se LSI i ka marrë PD-së një pjesë të njerëzve dhe strukturave të saj në rrethe, duke iu premtuar benefice pushteti. Më i fundit ndër ta është Moisi Meminaj, ish-kreu i PD-së në Vlorë, që tashmë është bërë pjesë e partisë së Ilir Metës.
Epiteti SHPK ndaj LSI-së, vënë nga Basha, pason përtalljen e Nanos me ankronimin e kësaj partie në fillimet e saj, vitet 2004-2005. Atë botë, ish-kryesocialisti, shkaku pse u krijua nga Meta kjo forcë, e quajti si Lëvizje të Skraparllinjve të Inatosur.
Sakaq, në front kundër LSI-së është dhe Rama, por me një gjuhë më të sofistikuar se ajo e egjra e Bashës. Në emër të të bërit shtet, Rama promovon idenë e “timonit në një palë duar”, për të mos e lënë atë në duar që ekzistojnë dhe funksionojnë vetëm me klientelizëm. /tesheshi.com/
