Lideri i opozitës së Shqipërisë, Lulzim Basha i ka dërguar një letër kreut të Gjykatës së Strazburgut, ku i ka shprehur shqetësimin për mundësinë e ndalimit të gjyqeve për dëmshpërblimin e ish-pronarëve.
Letra e Bashës është dërbuar më 7 qershor në adresë Presidentit të Gjykatës Europiane të të Drejtave të Njeriut, Guido Raimondi.
Kreu i PD-së është alrmuar me deklaratat e Edi Ramës që sipas tij, ka arritur një marrëveshje me Gjykatën e Strasburgut për të mos shqyrtuar më çështje të pronave të qytetarëve shqiptarë kundër qeverisë shqiptare.
Sipas Bashës, “kjo deklaratë e kryeministrit përbën një ndërhyrje të hapur përpara vendimit të Gjykatës sonë Kushtetutese në lidhje me ligjin e ri të pronave”.
Basha thekson se ky është presion ndaj Gjykatës Kushtetuese dhe njëkohësisht për të dëmtuar kredibilitetin e Gjykatës Europiane të të Drejtave të Njeriut në opinionin publik shqiptar.
Lideri i opozitës, në letrën e tij thekson se nuk kërkon të ndërhyjë në shqyrtimin e pavarur e profesional të çështjeve të pronave nga Gjykata e Strasburgut.
/tesheshi.com/
