Kryedemokrati Basha akuzoi sërish rivalin e tij politik, kryeministrin Rama, si paduhurin për të luftuar krimin e trafikun e drogës.
“Përsa kohë Rama në krye të qeverisë, asnjë shpresë për luftën ndaj krimit e korrupsionit, përsa kohë Rama është në pushtet, Saimir Tahiri do jetë i paprekshëm, Vangjush Dako do të sundojë Durrësin dhe Qazim Sejdini Elbasanin në bashkëpunim me bandat kriminale. Tirana do vazhdojë të jetë lavatriçja më e madhe në vend e pastrimit të parave të pista të drogës e të krimit. Për sa kohë Rama në pushtet, do kapen vetëm shoferë dhe punëtorë krahu, por jo kokat e krimit. Përsa kohë, Rama në pushtet, shqiptarët do kërkojnë por nuk do gjejnë as siguri, as mirëqenie, as zhvillim ekonomik”, theksoi Basha.
Po ashtu, ai potencoi dhe faktin që sipas tij, bumi i ndërtimeve nuk përligjet me asnjë logjike ekonomike, dhe se ai ka të tjera burime
“Ndërkohë paraja e drogës dhe e krimit po futet në ekonomi. Bumi i ndërtimeve pa asnjë logjikë ekonomike në Tiranë, bankat me pronarë “offshore” që po blejnë bankat e tjera, projekti i famshëm PPP 1 miliardë dollarë, janë të kapura apo financuara nga paraja e zezë e krimit dhe e drogës”, tha kreu demokrat. /tesheshi.com/
