Për Bashën, ajo çfarë SHBA mendon për 25 prillin nuk qëndron.
Ai këmbëngul që rezultati atë ditë ka devijuar dhe se atë ditë, për shkak të asaj që e konsideron “masakër zgjedhore”, demokracia ka rënë.
“Me 25 prill në Shqipëri nuk është kryer thjesht një masakër zgjedhore por ka rënë demokracia”, tha Basha në më të fundit deklaratë.
Më tej, ai, ftesën e Ramës për bashkëpunim e quajti si djallëzore.
“Mashtrim, hile që tashme ky kundërshtar djallëzor i ka kthyer në përditshmëri. Ftesë me qëllim që të asgjësohemi si e vetmja forcë që luftojmë krimin. Nëse shkojmë në atë drejtim nuk ka më asnjë shpresë për shqiptarët. 25 prilli është masakër zgjedhore dhe unë kam deklaruar se nuk e njoh dhe nuk e pranoj maskarën zgjedhore të 25 prillit. Nuk i njoh rezultatet e tjetërsuara të 25 prillit dhe se dyti që përgjigja e prerë për ftesën e bashkëpunimit është një ‘Jo’”, ishte stoicizmi i shprehur nga Basha. /tesheshi.com/
