Kreu demokrat Basha la të kuptuar se nuk është dakort që të vijnë vaksina nga Turqia, të tilla si Sinovac-u kinez, siç po vepron aktualisht qeveria.
Këtë ai e tha gjatë një takimi online me zv.Presidentin e Komisionit Europian, njëkohësisht Komisioner për Mënyrën Europiane të jetesës, Margaritis Schinas.
“Do sjellim vaksina të certifikuara nga BE, po ndjekim çdo informacion që vjen nga ju”, i tha Basha atij.
I pari i opizitës tha se nuk e ka sulmuar qeverinë për shkak të pandemisë, por në të njëjtën kohë lëshoi një akzuë ndaj saj.
“Nuk e kemi përdorur pandemi për të sulmuar qeverinë, por kemi sjellë ekspertizën më të mirë në vend dhe kemi ftuar qeverinë me plane, kemi kërkuar më shumë testime. Nuk janë respektuar protokollet për viktimat e COVID”, tha kreu i opozitës. /tesheshi.com/
