Në fjalimin e paradites këtë të shtunë, kreu i PD-së, Lulzim Basha i kthyer sërish Sorosit në ligjërimin e tij. Duke folur për Reformën në Drejtësi, ai tha se reforma është dhuratë e Sorosit për Ramën.
Basha e shpalli Ramën njeriun më të korruptuar dhe më të inkriminuar në Ballkan dhe i bëri thirrje administratës Trump që t’i heqë vizën kryeministrit shqiptar, me pretendimin se ai ka shkelur dhe ligjin amerikan.
Basha e kishte fjalën për një foto të bërë nga Rama me Obamë gjatë një fushate elektorale të këtij të fundit, ku është përfolur se janë paguar 80 mijë dollarë nga një biznesmen shqiptaro-amerikan. Dhe kjo sipas Bashës ishte një kapje me “presh në duar”. /tesheshi.com/
