Basha ishte në Pogradec përgjatë turit të tij për një mobilizim në funksion të protestës së 11 majit, ku një pjesë të deklarimeve të tij politike ia kushtoi deputetit të zonës, Klevis Balliu.
Për të njohurin më së shumti i si biri i Fahri Balliut, një prej zërave mediatikë ndër vite të PD-së, por që vjen nga shkolla e Zërit të Popullit si një prej ish-zërave të propogandës komuniste, Basha tha se ai ndihej krenar për Klevisin.
“Na mungon dikush sot, na mungon, sepse Edi Rama ka vendosur të kthejë burgun politik. Na mungon Klevis Balliu, i cili mbahet me urdhër politik vetëm e vetëm sepse qëndroi në kah të qytetarëve, që po i dhunonte policia. Unë jam krenar për Klevis Balliun, e di që edhe ju jeni krenar për Klevis Balliun. Dhe mesazhi që ju çon është që të qëndrojmë edhe më fort, edhe më të bashkuar në krah të njerëzve, në krah të kauzës tonë për liri dhe demokraci”, tha kreu demokrat.
Prej tre ditësh, ish-deputeti Klevis Balliu është nën arrest, me akuzën për bllokim rrugësh dhe kundërshtim të forvcave të rendit. /tesheshi.com/
