Kreu demokrat Basha aplikoi të njëjtjin gjest politik edhe banorë të zonës së Unazës së re, ngjashëm si me protestuesit te Teatri, duke nënshkruar një kontratë me vlerë në kushte qeverisjeje.
Duke i trajtuar si aset politik protestuesit e “Astirit”, ata të cilët prej muajsh bëjnë rezistëncë ndaj prishjes së shumë objekteve për t’i hapur rrugë projektit të Unazës së re, Basha vuri formën në një marrëveshje, ku ndër të tjera dhe në thelb u premton:
“Në momentin kur Partia Demokratike e Shqipërisë dhe opozita e bashkuar do të jetë shumicë politike qeverisëse, do të ndërmarrë të gjitha masat e duhura ligjore për të garantuar vënien përpara përgjegjësisë penale dhe administrative të të gjithë vendimmarrësve publikë dhe subjekteve private për përfshirjen në aferën e prishjes së banesave të qytetarëve në Unazën e Re, pa u garantuar atyre një shpërblim të drejtë dhe në vlerën e tregut për pronat e tyre private, duke u ngarkuar atyre edhe detyrimin për kompensimin e çdo dëmi të shkaktuar”, thuhet në kontratë, e para e këtij lloji të një opozitë në vitet e tranzicionit. /tesheshi.com/
