Kryedemokrati Lulzim Basha ka reaguar sot ndaj padisë që Partia Socialiste ka ngritur kundrejt Sali Berishës, duke u hsprehur se Edi Ramës iu prishën planet e tij, ndaj vendosi të hakmerrej.
“Edi Rama është në hall të madh. Një e nga një po i bien “trimat” nga Mark Frroku tek Arben Ndoka, nga Emiliano Shullazi tek Arben Frroku. Vjedhjet po i dalin sheshit e askush nuk e beson më. Në mënyrë primitive ka nisur të hakmerret. E nisi me Shullazin e u hakmorr ndaj Sali Berishës”, – shkruan Basha në një postim të tijin në Facebook.
Sipas Bashës, Sali Berisha denoncoi krimet, ndërhyrjen për të kapur rektoratin, ndaj banda thirri byronë, dhe byroja veproi sipas paktit. Kreu u PD-së shprehet se adjutanti ishte vegla e Ramës për punët e pist, Taulanti.
“Po sot, i njëjti adjutant-taulant u shfaq sërish, duke shërbyer një bandë tjetër të Edi Ramës, duke paralajmëruar një hakmarrje tjetër të krimit ndaj Sali Berishës. Se ju prishi planet për ta mbajtur të fshehtë ndalimin në Holandë të Arben Frrokut i dënuar me burgim të përjetshëm për vrasjen e komisarit Lamaj”, – shkruan Basha.
Ai shton se ky është aksioni i përbashkët Shullazi Rama dhe Frroku Rama, ndërsa shtron pyetjet: “A di ta dallojë ndokush ku mbaron banda e ku nis kryeministri? Asnjë fije e hollë nuk i ndan?”.
Për Bashën, këto janë klithmat e fundit të krimit në pushtet, sepse ora po afron. /tesheshi.com/
