Kreu i opozitës, Lulzim Basha komentoi deklaratat e vendosura të kryeministrit Rama se nuk do të ketë qeveri teknike dhe as shtyrje të zgjedhjeve, duke i kërkuar dorëheqjen. Duke folur nga çadra në bulevard ku opozita qëndron në protestë prej më shumë se një muaji, Basha shprehu bindjen se nuk do të ketë zgjedhje fasadë.
“E vërteta është e thjeshtë, nuk ka pasur që prej viteve ’90 lëvizje më europiane dhe euroatlantike. Nuk do ketë zgjedhje fasadë. Bëj derman vetes, na e kurse dhe ne gjithë këtë hare dhe gëzim dhe rritjen e rradhëve ditë për ditë, bëhu i zgjuar, jep dorëheqjen, hape rrugën për qeveri teknike dhe zgjedhe të lira dhe ndershme. Se çfarë do të ndodhë do ta caktojnë qytetarët”, tha Basha. /tesheshi.com/
