Kreu i PD-së, Lulzim Basha është treguar konkret në denoncimin e rradhës ndaj qeverisë, dhe më saktësisht ndaj kryeministrit Rama dhe ministrit të Rendit, Saimir Tahiri, duke përmendur dy emra kryepolicësh që sipas tij janë provuar si të lidhur me trafikun e drogës, jo prej opozitës por prej ndërkombëtarëve.
“Rama është krenar dhe thotë se kjo është era shtet, a do jetë krenar ai sot për ministrin e tij pas fakteve që publikojmë, të dokumentuara nga partnerët për faktin që dy drejtorë të policisë në Korçe e Gjirokastër janë të implikuar direkt në trafikun e drogës, Arjanit Arapi dhe Ajet Zyberi janë dokumentuar nga partnerët si shërbëtorë të krerëve të trafikut dhe në dispozicion të biznesmenëve të hashashit, miq për kokë të Ramës”, tha Basha.
Më pas, ai ripërsëriti atë që tha dhe net më parë në një intervistë televizive, lidhjen e Tahirit e trafikantët:
“Është justifikuar për hambarin e madh të drogës, para lidhjeve të shkurtra të familjarëve të biznesit, duke iu thënë nuk e keni prej meje, nuk isha unë, është e dokumentuar kjo. Është pikërisht dokumentimi i kësaj që tregon se sa qelbet shteti i Ramës”, shtoi kreu demokrat. /tesheshi.com/
