Kreu demokrat Basha realizoi një tryezë për arsimin, ku në krah pati të vetmen zë ndërkombëtar që e mbështet qysh se dogji mandatet, eurodeputeten gjermane Doris Pack, e njohur prej afro 20 vitesh si e atashuar pranë PD-së.
Basha, në prani dhe një të një grupi pedagogësh, ku veçonte Mark Marku, inisiator i një proteste te Filologjiku por pa shumë jetagjatësi, shpalosi programin e tij mbi Arsimin e Lartë, në kushtet kur PD-ja do ishte në pushtet. Ai ofroi shifra investimesh, duke thënë se: “75 milion dollarë në dispozicion për Arsimin e Lartë.
38 mln dollarë për të financuar tarifat universitare të universitetet publike, ku studentët që vijnë nga një familje me më pak se 640 mijë lekë (të vjetra) do ta përfitojnë të plotë subvencionin e tarifave të Bachelor dhe Master.
Për ato që kanë të ardhura mbi 640 mijë lekë (të vjetra) do të subvencionohen në masën 50%.
5 milion dollarë të tjerë do të jepen për bursë për rreth 6 mijë studentë që e kanë të pamundur që të përballojnë shpenzimet shkollore.
32 milion dollarë brenda 4 vite do të investohen në infrastrukturë konviktore dhe akademike”, theksoi kreu demokrat. /tesheshi.com/
